Bullað í Baunaveldi

2006-06-02T06:41:00.000Z

Það var sérdeilis ánægjulegt að flytja heim. Eftir að ég hafði sett rúmið mitt í flutningabílinn sem átti að flytja það niður að höfn stökk ég út úr bílnum en það vildi svo illa til að ég lenti mjög illa. Það small i fætinum á hann og ég sá að neðri hluti fótarins var í einhverri stöðu sem ekki er eðlilegt. Við nánari rannsókn málsins hefur komið í ljós að hnéskelin fór úr sambandi og þá gerist þetta svona. Anyways, ég togaði í neðri hluta fótarins og þá small aftur í honum og fór hann þá aftur í eðlilegar stellingar. Sársaukinn var samt svo heiftarlegur að ég hélt ég hefði slitið krossbönd eða fótbrotið mig eða einhvern djöfullinn. Ég ætlaði varla að trúa eigin eyrum (eða dönskukunnáttu) þegar læknirinn á slysavarðstofunni sagði mér að það væri ekkert að mér. Fóturinn væri bara bólginn og að það tæki fjórar til sex vikur fyrir bólguna að fara. Það var varla að karluglan tímdi að gefa mér verkjalyf.

Daginn eftir hófst svo ferðalagið heim. Ég tók leigubíl á lestarstöðina því ég lagði ekki í strætóferð í þessu ástandi. Lestarferðin var góð, en svo þegar ég var kominn á Kastrup þurfti ég að ganga frá terminal 3 yfir í terminal 2 og það er ÞOKKALEGA langur vegur fyrir haltrandi mann. Svo þurfti ég að ganga að hliði C32 og það er önnur ÞOKKALEGA löng leið. Venjan er að íslensku flugvélarnar stoppi við A eða B hlið, þangað sem er mun styttra að ganga. En ó, nei!!! Ekki í það skiptið sem karlinn er að drepast í fætinum.

Ég held því fram að það hafi einhver öfl utan þessa heims verið að leggja mig í einelti þennan dag og séu ennþá að hlæja. En sá hlær best sem síðast hlær.

2006-05-29T08:40:00.000Z

Smá hugdetta hjá mér. Verður þetta næsti stjórnarformaður Orkuveitu Reykjavíkur?

Annars hljóma þessar viðræður á milli Villa og Ólafs vel. Ég hafði nú fyrirfram veðjað á Björn Inga og Villa en það verður gott að hafa Margréti Sverris í sínu liði. Alltaf þótt hún frábær eftir að hún passaði mig þegar ég var lítill skrýtinn krakki.

2006-05-27T09:14:00.000Z

Er einhver sem getur útskýrt fyrir mér hugsmíðina hamingja, skilgreint hana? Dóra Guðrún er að gera rannsókn á þessu en hennar skilgreining er full aðferðarfræðileg fyrir minn smekk. Frá því að ég man eftir mér hef ég skilgreint hamingju sem það að eiga góða fjölskyldu og starfsframa að stefna að. En það eina sem mér dettur í hug núna þegar ég hugsa um þetta er eftirfarandi texti.

I have climbed highest mountain

I have run through the fields

Only to be with you

I have run

I have crawled

I have scaled these city walls

These city walls

Only to be with you

But I still haven't found what I'm looking for

I have kissed honey lips

Felt the healing in her fingertips

It burned like fire

This burning desire

I have spoke with the tongue of angels

I have held the hand of a devil

It was warm in the night

I was cold as a stone

But I still haven't found what I'm looking for

I believe in the kingdom come

Then all the colors will bleed into one

Bleed into one

Well yes I'm still running

You broke the bonds and you

Loosed the chains

Carried the cross

Of my shame

You know I believed it

But I still haven't found what I'm looking for

But I still haven't found what I'm looking for...

Sumir segja að þessi texti sé ákall til guðs. Ég er hinsvegar alveg úti á þekju með hann.

2006-05-27T08:26:00.000Z

Einhver laug því að mér að það væri samband á milli verðs, framboðs og eftirspurnar. Þess vegna lækkaði ég verðið á íbúðinni minni í gær. Það er gersamlega ekki Kobbi Kúkur (e. Jack Shit) að gerast á markaðnum í dag.

Næsta skref verður svo að skipta um fasteignasala ef ekkert fer að gerast.

2006-05-23T16:58:00.000Z

Nú veit ég hvað Silvia Nótt var að meina þegar hún sagðist hafa séð þá "with no masks on and they were so fucking ugly".

2006-05-22T18:16:00.000Z

Það liggur sem sagt fyrir að Hafsteinn Þór Hauksson hefur nýlokið hdl. réttindaprófi og Partý-Þórður hefur lokið síðasta prófi í læknisfræðinni og verður því útskrifaður læknakandídat í júní.

Ég myndi nú kyssa þá til hamingju ef ég næði í skottið á þeim, en þeim til happs er ég staddur hér í Baunalandi og þeir á Klakanum og því ætla að nota þennan vettvang til þess að óska þeim til hamingju.

2006-05-22T16:57:00.000Z

Finnst ykkur það vera tilviljunum háð að okkur kumpánunum skuli vera ruglað saman úti á götu. Ég meina, þessi fjallmyndarlega fígúra gæti jafnvel hafa verið búin til að minni fyrirmynd.

Fyrir utan það auðvitað, að ég myndi aldrei láta sjá mig með svona ljótan hatt.

2006-05-21T18:32:00.000Z

Hér má finna upplýsingar um það hvaða lönd gáfu Íslendingum stig í undankeppni Eurovision síðastliðinn fimmtudag. Veit nú reyndar ekki hvaðan þessar upplýsingar koma en ég hef haft truzt in Guzt frá örævi alda og mun því ekki draga þessar upplýsingar í efa.

2006-05-19T18:36:00.000Z

Það fer að verða pínulítið vandræðalegt að vera sjálfstæðismaður

2006-05-17T18:49:00.000Z

Eins og sjá má hér hefur Reykjavíkurborg birt kjörskrá á Netinu en samkvæmt lögum um sveitastjórnakosningar er skylt að birta upplýsingarnar opinberlega. Það virðast ekki allir sem búsettir eru hér i Danmörku vera á kjörskrá.

Eitt enn, ég er að spá því að þessi kona komist inn í borgarstjórn og þar af leiðandi að þessi maður verði borgarstjóri.

2006-05-15T22:12:00.000Z

Fjölmiðlar geta verið misjafnlega skemmtilegir. Þetta merkisatvik sem Ragnar benti mér á er trúlega eitthvað það fyndnasta sem birst hefur i fjölmiðlum í langan tíma. Horfið á myndbandið og fylgist með viðbrögðum grey mannsins á fyrstu 10 sekúntunum þegar í ljós kemur að hann er rangur maður á röngum tíma á röngum stað.

2006-05-15T17:06:00.000Z

Spurning dagsins er, hvers vegna lætur Kevin litli svona illa í skólanum? Ég hef rúma viku til að komast að niðurstöðu í málinu, en þangað til hvet ég bara foreldra sem eiga börn í sömu stöðu og Kevin til þess að éta bara börnin sín. Ég og Lecter vinur minn mælum virkilega með "their liver with some fava beans and a nice Chianti".

2006-05-12T22:23:00.000Z

Ég varð sem sagt við áskorun frá 1. Class Dísu og ákvað að taka vinkonuprófið. Ekki er hægt að segja annað en að niðurstöðurnar séu hreinar og klárar því við vinkonurnar erum "sexy bunch! You guys are gorgeous and girly and you have a bunch of confidence which makes you feel even sexier! More power to you hotties!"

Take the quiz:
http://quiz.myyearbook.com/zenhex/quiz.php?id=45422"> size = "+2">Which famous group of friends are you and your friends?

Þetta próf kemur mér verulega í snertingu við minn innri metro-sexual mann.

2006-05-06T16:54:00.000Z

Ég fór að borða á McDonalds áðan, sem væri svo sem ekki í frásögn færandi nema hvað þegar ég hef nýlokið við að gúffa í mig borgaranum kemur til mín maður sem hefur greinilega nýlokið við sína máltíð. Gæinn tilkynnir mér að hann eigi eftir einn hamborgara sem hann geti nú ekki klárað og býður mér hann í ábót. Kannski finnst einhverjum þetta bera vott um náungakærleika sem sagt er að skorti svo mjög á Klakanum. Mér finnst þetta hins vegar gersamlega fáránlegt. Lít ég út fyrir að vera maður sem hefur ekki efni á að borga eigin borgara? Nei, ef eitthvað er þá lít ég nú frekar út eins og maður sem hefur haft efni á einum of mörgum borgurum um ævina.

Hvað um það, þetta atvik minnti mig svolítið á það þegar ég fór út á strætóstöð um daginn og rétt missti af mínum strætó. Tveimur mínútum seinna stöðvar bíll og einhver kona, sem ég hafði aldrei áður séð, kallar til mín að hún sjái að ég hafi rétt misst af strætó og spyr mig hvort ég vilji ekki far hjá sér og manninum sínum. Hell yeah!

Að öðru, sálfræðingurinn Óli, stórvinur minn til nokkurra ára er orðinn frægur eins og sjá má hér. Ég geri samt fastlega ráð fyrir því að ég verði jafn frægur og hann þegar ég verð orðinn stór.

2006-05-05T16:59:00.000Z

Ég verð að gera játningu hérna. Ég var að horfa á Coyote ugly á sænskri sjónvarpsstöð áðan. Ekki nóg með það, heldur sa ég hana líka í bíó og mér finnst hún bara býsna skemmtileg. Þessu tengt, þá fíla ég LeAnn Rimes. Britney sýgur feitan gölt við hliðina á henni.

Ég er allur að ná bata, en get engan veginn mælt með þessari flensu.

2006-05-02T10:57:00.000Z

Ég nældi mér í flensu í gær og´ana býsna hressilega get ég sagt ykkur. Eg kenni maurunum um þetta enda ákváðu þeir að ganga aftur. Ég get sagt ykkur með góðri samvisku að það er aðeins eitt verra en að fást við maura sem taka sér bólstað í húsakynnum manns, það er að fást við afturgöngur.

Á myndinni getið þið séð hvernig draugamaur lítur út.

2006-05-01T17:16:00.000Z

Ég vil að Hilmar Örn Hilmarsson, allsherjargoði og tónskáld, útsetji á ný lag Friðriks Bjarnasonar við ljóðið Í Hlíðarendakoti eftir Þorsteinn Erlingsson, svo Sigur Rós geti flutt það á þann hátt sem hæfir þeim. Það myndi svínvirka á tónleikum.

2006-04-30T18:56:00.000Z

Ég hef stundum látið eins og ég sé rosalega flinkur í eldhúsinu, en þetta eru tómir draumórar. Mér tókst til dæmis að brenna pasta í gær, þegar ég var að elda mér. Minnir mig svolítið á það þegar ég var á Klakanum um páskana. Gerði ítrekaðar tilraunir til að elda, pastað situr sérstaklega í minningunni, en einnig pönnukökurnar sem ég steikti. Þetta brann allt saman, með tilheyrandi fnyk sem lagði um allt húsið. Heimilisfólkið var farið að biðja mig vinsamlegast um að vera ekkert að elda og sumir báðu til Guðs um að fá Dominos pizzu í matinn.

Villi Vill kann ábyggilega heldur ekkert að elda, en hann er að gera alveg hrikalega góða hluti í pólitíkinni eins og sjá má hér. Ekki er ég viss um að ég hefði getað spáð þessu fyrir ári síðan.

2006-04-29T11:11:00.000Z

Því er lokið. Maurarnir hafa óskað eftir vopnahléi og flúið með allt sitt hafurtask. Þetta tók nokkuð á, því fjölmargir úr liði andstæðinganna týndu lífi. Sem betur fer eru þó allir óhultir úr mínu liði. Einn hængur er þó á málinu. Mér var kennt það sem ungum dreng að bannað væri að ráðast á minni máttar. Ég mun því dveljast heima í dag við bænarhald í von um fyrirgefningu almættisins fyrir hryðjuverk gagnvart smáborgurunum.

Á myndinni sést hvar maurarnir, sem eftir lifðu, hefja sig af stað úr höllinni hér á Havkærvænget.

2006-04-27T20:24:00.000Z

Í Kastljósþætti kvöldsins, hvar frambjóðendur i efstu sætum framboðanna fyrir sveitastjórnarkosningarnar komu fram, var keppst um það hver gæti verið leiðinlegastur. Ókeypis leikskólagjöld, ókeypis íþróttaiðkunn fyrir börn, ókeypis matur í grunnskólum borgarinnar. Fólk hefur komist ágætlega af án þessara aðstæðna. Ef mig langar til að gefa vinum mínum pening til þess að ala upp börnin sín þá bara rétti ég þeim peninginn upp í hendurnar. Ég þarf ekkert stjórnmálamenn til að koma slíkum gjöfum til skila. Ég saknaði algerlega allrar umræðu um lækkun útsvars, lækkun fasteignagjalda og það hvernig á að greiða niður 69 milljarða króna skuld Reykvíkinga sem mun svo sannarlega skila sér í verri þjónustu við borgarbúa þegar fram líða stundir.

2006-04-26T15:06:00.000Z

Það geysar stríð hér á Havkærvænget 258. Jamm, ég hef lagt til atlögu við sambýlinga mína, maurana. Undanfarna daga hef ég verið að reyna fyrir mér með sálfræðihernaði gegn þeim, á þann hátt að ég hef lesið fyrir þá þýðingar Ragnars Jónassonar á Agöthu Christie bókunum, en það hefur ekki gefið sig vel. Það er engu líkara en að þeim líki bókmenntirnar (það er gott að einhverjum líkar þær). En nú hef ég ákveðið að fara í eiturhernað. Blóðbaðið í World War II verður eins og tómt grín miðað við mína atlögu. Ég geri fastlega ráð fyrir gagnskærum af hálfu mauranna - en ég verð viðbúinn. Hér eftir verður ekkert grín að vera danskur maur á vegi Jóns Hákonar.

Annars heimsótti ég hospice í dag, ásamt nokkrum skólafélögum mínum. Hospice er svona staður þar sem fólk með lífshættulega sjúkdóma á lokastigi kemur til að verja síðustu ævidögum sínum. Þetta var mjög merkileg lífsreynsla.

2006-04-24T17:47:00.000Z

Ég skrapp í Sirkus Arena í gær. Það var fínt, fullt af hestum, fílum, zebradýrum og einn asni. Svo voru líka sæljón sem kunnu rosa kúnstir. Strætó er ennþá í verkfalli hérna. Það þýðir að maður fær aðeins að labba af sér bumbuna næstu dagana. Veðrið er hins vegar svo dandalafínt að það gerir bara ekkert til.

2006-04-22T18:18:00.000Z

Af vefsíðu Björns Bjarnasonar.

„Ég hef áður hér á síðunni vakið máls á því, að ekki sé það neinum málstað sérstaklega til framdráttar, að Björgvin G. Sigurðsson, þingmaður Samfylkingarinnar, taki hann upp á sína arma, en í þessu máli mun Björgvin einmitt hafa gengið lengst í að enduróma 365 boðskapinn.“

Alla jafna er ég nú alveg sammála Birni í þessu. Ég get ekki ímyndað mér nokkurn mann sem er jafn skeytingarlaus um sannleikan og Björgvin G. Illu heilli erum við Björgvin þó sammála í andstöðunni gegn RÚV frumvarpinu og Björn á öndverðu meiði. Það er ekki svo glæsilegt að finna sjalfan sig í þessari stöðu.

2006-04-21T18:28:00.000Z

Lestarferðin frá Kastrup til Århus gekk svona líka rosalega vel að við þurftum að stoppa á miðri leið (í Fredericia) til að taka rútu. Ég er ekki viss hver ástæðan fyrir þessu var en ein kenningin var sú að lestarteinarnir væru eitthvað skemmdir. Århus heilsaði mér svo með verkfalli strætisvagnabílstjóra. Ég hafði því fyrirtaks ástæðu til þess að mæta ekki í skólann til að læra. Hvíldi mig því betur en ég hefði gert ella og las síðan nokkrar greinar hérna heima hjá mér.

Ég gleymdi að segja að RÚV-frumvarpið er ömurlegt frumvarp.

2006-04-19T17:37:00.000Z

Þetta er öfugsnúið líf. Eftir að ég hafði klárað hæfnisprófið fyrir sumarstarf á Morgunblaðinu hélt ég að mér hefði gengið svo illa að ég ætti ekki nokkurn möguleika á því að vera boðaður í viðtal. Eftir að hafa lokið viðtali sem ég ásamt tólf öðrum var boðaður í , úr hópi tæplega 200 umsækjenda hélt ég að mér gengi svo vel að ég myndi pottþétt fá starfið. Ó, nei!!!

Hugsanlega er ég ekki best til þess fallinn að meta eigin frammistöðu.

„Helvítas fokk“ er concept sem er mér ofarlega í huga núna.

2006-04-19T12:22:00.000Z

Þetta er búið að vera dásamlegt frí hérna á Íslandi. Ég, Sóldís og Hávar Darri höfum leikið okkur heilmikið og svo hef ég verið að leika nurse Betty hvað mest ég hef mátt.

Lærði annars skilgreininguna á hjartaáfalli núna um páskana. Þegar hjartað fær ekki nægilega mikið súrefni til að það geti starfað eðlilega. Þá veit maður það, hingað til hef ég verið að rugla saman hjartaáfalli og hjartastoppi. Partý-Þórður fór rækilega yfir anatomiu hjartans með mér.

Komst reyndar líka á því eftir skemmtilegt teiti á Ölstofunni á páskadag að ég er hræddur við konur. Ég hef ákveðið að reyna að bæta úr þessum vanda með exposure therapy.

2006-04-10T17:24:00.000Z

Já, Nígeríureisan var schnilld - eða þannig. Á morgun skellir maður sér bara heim til Íslands og dagskráin ágætlega þétt. Hlakka til að borða mitt páskaegg.

2006-04-08T12:13:00.000Z

Eg og Ragnar akvadum ad skella okkur til Nigeriu, eftir ad hafa horft a thattinn a NFS sem fjalladi um Afriku. Tok ekki fartolvuna med mer thannig ad eg verd ekki i stodugu Netsambandi og mun thvi blogga minna. Ragnar er hinsvegar buinn ad opna ferdablogg.

2006-04-07T17:30:00.000Z

Það er mikið líf og fjör hér á Havkærvænget. Til að útskýra betur get ég sagt ykkur að ég er ekki sá eini sem er í fullu fjöri hérna. Fjölmargir maurar og silfurskottur hafa ákveðið að ganga í sambúð með mér. Og ekki nóg með það heldur eru köngulærnar farnar að bætast í hópinn. Mér hefur alltaf fundist spennandi að halda gæludýr en þetta er einfaldlega too much. Þess vegna hef ég ákveðið að eiga samtal við varmemesteren eftir helgi og biðja hann um að ráða bót á þessu.

Guð blessi ykkur öll.

2006-04-07T15:38:00.000Z

Ég tapaði mér gjörsamlega í verslunarferð í dag, keypti, jakkaföt, skyrtu, bindi og belti, auk þess tvo stuttermaboli og buxur. Þetta er auðvitað allt Bóasi að kenna, hann hringdi í mig í morgun og bað mig um að koma í bæinn. En ég náði að hefna mín.

2006-04-06T15:05:00.000Z

Ég stal þessum link af síðunni hennar Ásdísar. Þetta er mjög fyndið viðtal við Silvíu Nótt. Enjoy.

2006-04-04T21:55:00.000Z

Eftirfarandi var spurning á stúdensprófi í lögfræði síðastliðið vor og er að finna í ársskýrslu skólans. Þetta er mjög skemmtileg spurning. Ég þarf varla að taka fram hve harmur Svövu var mikill.

6. (25%) Raunhæft verkefni (25%).
Svarið eftirfarandi spurningum og rökstyðjið svar ykkar.

I.
Jón Hákon Halldórsson heitir maður, sjötugur að aldri, og býr í Fellahverfinu ásamt
eiginkonu sinni til þrjátíu og fimm ára, Svövu Pétursdóttur. Saman eiga þau soninn
Vigni en Jón Hákon á með fyrri eiginkonu sinni stúlkuna Sesselju. Sonur Jóns Hákonar
og Svövu, Halldór Karl, lést fyrir þremur árum síðan og skildi eftir sig tvö börn, þau Eggert Pál og Olgu. Að lokum má geta þess að móðir Jóns Hákonar, Teresa, er enn við hestaheilsu, 99 ára að aldri.

Hinn 18. janúar sl. lést Jón Hákon á heimili sínu eftir erfiða flensu. Í næsta mánuði
eiga að fara fram skipti á dánarbúi Jóns. Í byrjun apríl lagði lögfræðingur Jóns fram
erfðaskrá, undirritaða af Jóni Hákoni og tveimur arfleiðsluvottum í samræmi við reglur erfðaréttar, þar sem fram kemur sá vilji Jóns að Golfsamband Íslands erfi kr.
10.000.000,eftir sinn dag. Fjölskyldan er ekki sátt við þessa ráðstöfun, enda hafði hin tímafreka golfiðkun Jóns fremur farið í taugarnar á Svövu og börnunum. Jafnframt hefur Sesselja gefið sig fram við skiptin og krefst hún þess að fá arf eftir föður sinn. Þessu mótmæla Svava og börn hennar, enda hafði Sesselja fyrir löngu slitið öllu sambandi við föður sinn og hann margsinnis lýst því yfir á mannamótum í gegnum tíðina að hún fengi ekki krónu eftir sinn dag.

Heildarverðmæti eigna Jóns við skiptin er kr. 25.000.000,og fara skiptin fram í
samræmi við reglur erfðaréttar. 178

II.
Í kjölfar andláts Jóns Hákonar ákvað Svava Pétursdóttir að minnka við sig og
fjárfesta í 100 fermetra íbúð í Vogahverfinu. Íbúðin er í fjöleignahúsi sem reist var árið 1960 og var kaupverð hennar kr. 12.000.000,. Áður en Svava gerði tilboð í íbúðina fór hún ásamt Vigni, syni sínum sem er húsasmíðameistari, og skoðaði íbúðina hátt og lágt. Við skoðun þeirra mæðgina kom í ljós að gluggar íbúðarinnar voru illa farnir og þörfnuðust viðgerða. Aðra sjáanlega galla komu þau ekki auga á við skoðun sína. Þessu næst gerði Svava tilboð sem var samþykkt og var kaupsamningur undirritaður.

Svava varð þess áskynja, eftir að hún flutti inn í íbúðina þann 1. mars sl., að ýmsir
vankantar voru á íbúðinni. Stór sprunga var á vegg í svefnherbergi á bak við fataskáp, blöndunartæki í eldhúsi og baðherbergi voru ónýt auk þess sem gluggar íbúðarinnar láku hraustlega í vonskuveðrum. Svava fékk Vigni til að meta gallana og var það niðurstaða Vignis að heildarkostnaður vegna viðgerðanna væri kr. 1.250.000,.

Múrverk vegna sprungunnar kostar kr. 1.000.000, ný blöndunartæki kosta kr. 50.000,og
viðgerð á gluggum kostar 200.000,. Svava er að vonum afar ósátt við gallana sem hún telur vera á íbúðinni og hefur hún þess vegna krafist úrbóta frá seljendunum, þeim Ragnari og Maríu. Svava, sem á eftir að greiða kr. 2.000.000, í lokagreiðslu vegna íbúðarkaupanna, hefur tjáð seljendunum að hún muni ekki koma til með að inna greiðsluna af hendi við útgáfu afsals.

III.
1. Hverjir munu koma til með að erfa Jón Hákon og hvert verður hlutfall þeirra af
heildarverðmæti eigna hans?
2. Hvaða kröfur getur Svava gert á hendur Ragnari og Maríu vegna gallanna?
3. Geta Ragnar og María krafist þess að fá lokagreiðsluna greidda? Hver yrðu líkleg málalok?

2006-04-04T16:43:00.000Z

Fékk í dag bréf fra Preben Bertelsen, þeim umdeilda manni, um að ég mætti vera í praktík á LSH næsta haust. So LSH her kommer jeg.

2006-04-03T22:12:00.000Z

Ég tók þá ákvörðun í gær að dvelja á Íslandi um páskana til þess að geta orðið móður minni til ánægju jafnt sem yndisauka og ef til vill einhverrar aðstoðar, en hún mun dvelja á spítala fram í næstu viku og verður eflaust ekki í fimmta gír þegar ég kem heim.

Þau ykkar sem viljið mynda móttökunefndina fyrir mig á Íslandi ættuð að láta sjá ykkur á Flugstöð Leifs Eiríkssonar, hinn 11. apríl næstkomandi kl. 21.55. Þið hin sem af einhverjum ástæðum getið ekki tekið á móti mér getið pantað tíma hjá mér með því að senda póst á þetta netfang.

Farvel!

2006-03-31T21:45:00.000Z

10 hlutir sem þú vissir ekki um mig (sennilegast vegna þess að þig langaði ekki til að vita þá).

1) Ég er þvílíkur sælkeri, kaupi mér nánast einhver sætindi á hverjum einasta degi. Líklegast þess vegna sem ég þarf að drífa mig í ræktina fljótlega.

2) Þegar ég var í menntaskóla var ég alveg obboðslega duglegur í ræktinni, fór í ljós þrisvar í viku og stóð alveg undir því að vera kallaður chokko.

3) Þegar ég lítill borðaði ég mysing eins og hvert annað sælgæti úr skeið. Núna finnst mér tilhugsunin gersamlega ógeðfelld.

4) Mig langar þvílíkt að tileinka mér boðskap Biblíunnar, var meira að segja í bænahóp á Íslandi. Mér gengur samt eitthvað hálf brösulega um að sannfæra mig um að heilög þrenning sé raunveruleg og því er þetta allt saman hið vandræðalegasta.

5) Ég er þvílíkt latur við að þrífa í kringum mig, íbúðin mín ber þess mjög greinilega merki þessa stundina.

6) Ég er líka ógeðslega latur við að þrífa bílinn minn, sem betur fer er hann í vörslu föður míns núna sem er algjör snyrtipinni og getur ekki keyrt um á skítugum bílum. Bíllinn fær því úrvalsmeðferð fram á vor.

7) Að mínu mati er Debra Messing fallegasta kona í heimi. Á eftir henni kemur Jenny Aniston. Ég myndi segja að þær væru klikkað foxy.

8) Ég er gallharður Sjálfstæðismaður, þetta vissu nú flestir. Færri vita að ég er búinn að gera skriflegan samning við Bóas vin minn um að ef Dagur B. Eggertsson verði næsti borgarstjóri þá muni ég flytja úr Reykjavík. Gæinn er gersamlega óþolandi.

9) Þó ég telji mig vera algeran jafnréttissinna og mikinn fjölskyldumann þá er ég á móti núgildandi lögum um fæðingarorlof. Þau eru fyrir það fyrsta allt of dýr og í öðru lagi alveg einstalega óréttlát.

10) Ég er dauðþreyttur eftir erfiðan dag og nenni því ekki að skrifa neitt meira. Vona því að þessi upptalning mín geti veitt ykkur afþreyingu til skamms tíma.

2006-03-30T23:18:00.000Z

Ég er svona til þess að gera frekar gagnkynhneigður maður, en ohh my god! Hver myndi sparka Denna dæmalausa fram úr rúminu?

Í alvörunni, hvað mynduð þið gera ef þið hittuð þennan mann einan á fallegu föstudagskvöldi á Ölstofunni?

2006-03-29T22:35:00.000Z

Ég var búinn að heita sjálfum mér því að ég myndi bara skrifa eitthverja tóma vitleysu á þessa síðu og ekki vera með dæmigerðar dagbókarfærslur. En, what the fuck! Eg var í svona aptitude prófi í dag, átti að leysa verkefni til að geta komið til álita sem blaðamaður hjá Morgunblaðinu í sumar. Ég er ekki svo rosalega bjartsýnn á árangurinn. En for helvide, ég tapaði engu á því að prófa.

2006-03-27T21:18:00.000Z

Í dag er liðið heilt ár síðan að indælt stúlkubarn, Selma Emilsdóttir, leit dagsins ljós. Því til fagnaðar, var skundað í Skejby og drukkið þetta líka dýrindis afmæliskaffi, enda hef ég nú beðið þess ansi lengi að hjónaleysin í Skejbytoften myndu baka fyrir mig. Kökurnar voru klikkað góðar get ég sagt ykkur.

Að loknu afmæliskaffinu ákvað ég að gerast babysitter på Stavnsvej. Det gik fint.

Adios amigos.

2006-03-23T22:53:00.000Z

„Maður fær ekki alltaf það sem maður vill. Og þá verður maður að vinna úr því sem að maður þá fær í staðinn. Maður getur ekki alltaf farið með sætustu stelpuna heim af ballinu en stundum kannski eitthvað sem gerir sama gagn,“ sagði Geir H. Haarde, þegar hann var að tala um varnarmál í Valhöll um daginn.

Geir er sniðugur, en hvað ætli Ingu Jónu finnist um þetta viðhorf hjá honum?

2006-03-12T17:33:00.000Z

Þegar ég var einu sinni ritstjóri vefs Heimdallar bar hann yfirskriftina frelsi.is og þar voru stundum skrifaðar áhugaverðar hugleiðingar um stjórnmál. Núna heitir vefurinn ekki lengur frelsi.is og þar eru birtar pönnukökuuppskriftir. Ég er ekki að segja að þetta sé slæm þróun en einhvern tíma hefði þetta nú þótt fréttnæmt.

2006-03-09T21:17:00.000Z

Hér á myndinni til hliðar sjáið þið hana Petrínu Eggertsdóttur eftirlaunadagmóður. Hún lét af störfum þann 18. júní 2000, eftir að hafa fengið asd sem síðar leiddi til ptsd í kjölfar jarðskjálfta á sunnanverðu Íslandi. Petrína er nú eftirlaunaþegi, býr í Árósum og í hjáverkum sinnir hún barnagæslu sér til dægrastyttingar. Akkúrat þessa stundina er hún að passa tvo yndislega gríslinga á Stavnsvej.

2006-03-06T22:46:00.000Z

Í dag kláraði ég 20 blaðsíðna ritgerð um organizational commitment. Í ljósi þess að ég á ekki að skila henni fyrr en 2. júní getur vel verið að ég muni gera einhverjar smávægilegar breytingar á henni fyrir skil, fínpúss, en verkið er engu að síður unnið. Skál fyrir því!

Þá er það bara að finna næsta ritgerðarefni sem er í Psychotraumatology!!!

2006-03-02T20:00:00.000Z

Versta pikköpp lína í heimi er eflaust þessi:

„Trúirðu á ást við fyrstu sýn eða þarf ég að ganga oft hérna framhjá?“

Leiðin hjá mér getur bara legið uppávið þannig að ég held ég prófi hana á næsta djammi.

2006-02-27T22:45:00.000Z

Ég opinbera hérna uppskrift að dandalafínni heimþrá.

Efni:
2,5 dl vatn
50 g smjörlíkiörlítið
salt
175 gr hveiti
4-6 egg
2 tsk. lyftiduft.

Vatn, smjörlíki og salt soðið saman í potti. Potturinn tekinn af hellunni þegar sýður og hveitinu hrært út í. Sett á helluna aftur og hrært vel í ca. mínútu. Þá er deigið sett í skál og látið kólna. Svo eru eggin hrærð saman við eitt og eitt í einu, þar til deigið er orðið hæfilega þykkt. Þá er lyftiduftið sett út í. Bollurnar eru síðan mótaðar á plötu með skeið eða sprautupoka. Gott að hafa bökunarpappír undir. Bakað við 180°C í ca. 30 mín. Fyrstu 20 mínúturnar má EKKI opna ofninn, því þá falla bollurnar. Síðan er hægt að bræða súkkulaði ofan á og fylla þær með rjóma og sultu.

Ég er rjómabollufan. Hef hingað til ekki getað upplifað bolludaginn án þess að bragða á amk einni sveittri. Mætti jafnvel segja að bolludagurinn væri hátíðlegri hjá mér en sjálft aðfangadagskvöld. Ég skundaði auðvitað út í Bilka og athugaði hvort þeir ættu ennþá fastlavsbollur, en ég komst fyrst að því í dag að bolludagur hérna var í gær. Til allrar hamingju auðnaðist mér sú gæfa að geta keypt tvö stykki. En ég get líka sagt ykkur að þær eru hreint ekki jafn góðar og íslenskar vatnsdeigsbollur.´

Ég verð heima á Íslandi á næsta bolludag, alveg kristalklárt.

2006-02-25T23:07:00.000Z

Hellú, ég heiti Depill Halldórsson, heimilisköttur á Stavnsvej 130 með meiru. Hress eins og fress. Ef þið læðurnar eruð breima, þá endilega senda mér tölvupóst og vi ses.

2006-02-25T00:16:00.000Z

Ég má til með að gerast pinu alvarlegur hérna og benda á fantagóða grein Sigurðar Hólm Gunnarssonar, vinar míns, um aðstæður aldraðra. Hvað er fallegra en það að taka upp hanskann fyrir ömmu sína og afa? Gömlu hjónin stóðu sig líka vel hjá Hallgrími Thorsteinssyni.

2006-02-22T23:16:00.000Z

Hér á myndinni til hliðar sjáið þið mynd af kærustunni minni, henni Guðrúnu Maríu. Leiðir okkar lágu saman þegar við störfuðum saman við kristniboð í Apapa í Nígeríu á síðasta ári. Síðan þá höfum við verið ófrávíkjanleg frá hvort öðru. Slefan ekki slitnað á milli okkar eins og svo oft er sagt um ástfangin pör. Vinir okkar segja stundum að hún sé svolitið male looking. En því svara ég nú yfirleitt bara með því að gefa þeim löngutöng.

2006-02-21T23:06:00.000Z

Kastljósviðtalið við Silvíu Nótt er hrein snilld. Hvaða fáviti svarar í símann í miðju sjónvarpsviðtali. Annars blastaði hún því að lagið yrði sungið á íslensku. Ég er mjög ánægður með það. Í einhverjum fréttatímanum var sagt frá því að Eurovision spekúlantar héldu því fram að hún kæmist aldrei upp úr forkeppninni. Évrópubúar myndu ekki fatta húmorinn. So what?????

Það verður geggjað að sjá þetta atriði í Aþenu, en illu heilli er söngvakeppnin á þeim tíma sem ég er í miðju prófi. Ég verð jafnvel enn einbeittari en ég er á myndinni.

2006-02-13T22:04:00.000Z

Karlinn hefur ákveðið að fara út í drullunett fasteignaviðskipti og áður en vikan er liðin verður keypt spánný íbúð í Norðlingaholti. Af þessu tilefni hefur verið ákveðið að selja slotið að Framnesvegi 57, en eins og sést á myndinni er sú íbúð ekki einungis massaflott heldur einnig brjálað partýpleis. Höllin verður seld á 16 mills. Tekið er á móti tilboðum á commentakerfinu.

2006-02-11T22:42:00.000Z

Vefritið Bullað í Baunalandi hefur fullan hug á að upplýsa lesendur sína um það hvað ungar konur hafa að segja. Það er fullur vilji til þess að þið, lesendur góðir, komist inn í hugarheim þeirra og heyrið smá svona gossip. Í því skyni hitti fulltrúi vefritisins tvær sprækar verzlunarskólameyjar, Friðbjörgu (til vinstri) og Kristínu (til hægri) og fékk þær til að deila með sér skoðunum unga fólksins.

Þær Friðbjörg og Kristín hafa verið vinkonur síðan í sex ára bekk í Seljaskóla. Ég hef aldrei hitt þær áður, en við hittumst nú í fyrsta skipti á Kofa Tómasar frænda, yfirheyrslan hefst og talið berst strax að strákum. Ég spyr strax: Eruð þið fyrir einhverjar sérstakar týpur?
Friðbjörg: Það eru kannski mismunandi skoðanir á þessu, en ég held nú að allar stelpur á okkar aldri dreymi um að vera með svona hnakkatýpum, sóbrúnum mössuðum gæjum með aflitað hár.
Kristín: Já, svona heltanaðir hnakkar sem keyra um á gulri Hondu Civic og blasta Scooter í botn. Svona eins og Gillzenegger og Fazmo-gæjarnir, meina ég. Þeir eru nú alveg gersamlega með´etta.
Kristín: Ég fíla líka svona gæja í lopapeysum með þriggja daga skegg, svona þessar MH týpur.
Friðbjörg: Já vá, ég er sammála, svona þriggja daga skegg er flott. Steini kærastinn minn er með svoleiðis.

En úr því að stúlkurnar eru svona enige um stráka eins og Gillzenegger og Fazmó-gengið verðum við að snúa okkur að hinu kyninu. Hvað segja þær um Silvíu Nótt, er hún að meika það?
Friðbjörg: Við auðvitað. Pían mun þokkalega meika það í Eurovision. Tremma þetta í hel skiluru.

Kristin: Já, ekki spurning, ekkert annað kemur til mála.
Friðbjörg: Það er bara nett geggjað hvað hún er búin að slá í gegn. Það er ekkert lítill hópur sem er að fíla hana.
Kristín: Já, ég meina pabbi er að fíla þetta. Honum finnst þetta geðveikt kúl.

Ég vík máli mínu að öðru og spyr stelpurnar hvort þeim finnist metró að vera Herra Ísland?
Friðbjörg: Ef Herra Island er ekki glataðasti gaur sem ég hef séð þá veit ég ekki hvað.
Kristín: Já, ég meina, fer á limmu á djammið og býður mér ekki með, hvers konar auli er þetta?
Friðbjörg: Nákvæmlega, þoli ekki svona gæja.

En vefritinu leikur líka forvitni á að vita hverjar uppáhalds pikköpplínur stúlknanna eru.
Kristín: Pikköpplínur eru náttúrulega bara cool.
Friðbjörg: Sammála, mér finnst pikköpplínur bara fyndar.
Kristín: „Ert þú ungfrú Eyjar?“ er alveg að gera sig hjá mér.
Friðbjörg: Já, ég heyrði hana einu sinni.
Friðbjörg: „Uppáhalds pikköpplínan mín er samt þessi: „Hæ, viltu koma heim að spila Ludo? “ Ég fell alltaf fyrir henni.

Við ákveðum að láta þetta nægja í bili. Vá hvað það hlýtur samt að vera gaman að vera stelpa og spjalla um heima og geima allan daginn. Auf wiedersehen.

2006-02-11T17:05:00.000Z

Nostradamus spáir því að Silvía Nótt muni tremma þetta í hel næsta laugardagskvöld. Textinn við lagið er á Baggalút. Ég spái því jafnframt að slogan Dags B. Eggertssonar, „góður Dagur til að kjósa“, verði kosið ömurlegasta kosningasloganið þegar 21. öldin verður gerð upp. Samt sem áður verður hann orðinn borgarstjóraefni Samfylkingarinnar áður en nýr dagur er runninn upp. Kaldhæðni örlaganna að þessir tveir fyrrnefndu einstaklingar eru ekki svo ólíkir.

Að síðustu. Það er bannað að tala um lagið hennar Silvíu Nóttar.

2006-02-11T02:11:00.000Z

Tvífarar dagsins eru Mogens Agervold prófessor við Árósarháskóla og Svali Hr. Björgvinsson, starfsmannastjóri KB banka. Mogens kennir mér arbejds- og organizational psykologi hér í MA náminu en Svali kenndi mér vinnu- og skipulagssálfræði við Háskóla Íslands. Þótt óhætt sé að fullyrða, og sést reyndar glögglega á myndunum, að Svali sé snöggt um myndarlegri en dr. Agervold, og sé nú raunar bara algjört cutie-pie, þá eiga þeir margt sameiginlegt. Þannig eru þeir báðir fyrrverandi afreksmenn í íþrótta- og menningarlífi síns lands. Svali gerði garðinn frægan í körfuknattleik á ofanverðum níunda áratugi síðustu aldar og í byrjun þess tíunda, en Mogens vakti mikla athygli á árunum upp úr 1970 fyrir færni í bumbuslætti. Með vorinu kemur svo í ljós hvor þeirra er betri kennari.

2006-02-09T19:41:00.000Z

“A man who, beyond the age of 26, finds himself on a bus can count himself as a failure”, sagði Margaret Thatcher einu sinni. Spurning um að kaupa sér reiðhjól!!!

Fann ofangreinda tilvísun þegar ég var að leita eftir frösum höfðum eftir Thatcher. Uppáhalds frasinn minn er samt sá sem útleggst eitthvað á þessa leið á íslensku: „Peningar færa manni vissulega ekki hamingju, en það er skárra að vera óhamingjusamur í Rolls Royce en strætó.“

Sú tilvísun í Thatcher, sem mér finnst skynsamlegust er þessi, “No-one would remember the Good Samaritan if he had only had good intentions. He had money as well.”

Thatcher er svöl enda geng ég stoltur um í bol með mynd af henni. Myndir þú ekki gera það líka?

2006-02-08T20:27:00.000Z

Þessir hressu drenghnokkar á leikskólanum Sunnuborg efndu á dögunum til hlutaveltu til styrktar Rauða krossi Íslands og söfnuðust alls kr. 5,230. Drengirnir eru frá vinstri: Ripp, Rapp og Rupp. Takið eftir því hvað þeir eru kumpánalegir.

Ekki er víst að þessir framtaksömu guttar muni leggja fyrir sig tombóluhald eða önnur fjármálastörf í framtíðinni, því þegar þeir eru inntir eftir draumastarfinu segjast þeir allir vilja verða slökkviliðsmenn þegar þeir verði stórir.

2006-02-07T21:17:00.000Z

Eins og allir vita hefur verið nokkuð róstursamt hér í Danmörku vegna birtinga Jótlandspóstsins á Múhameð myndunum. Anders Fogh Rasmussen, forsætisráðherra, hefur ákveðið að láta þessa atburðarrás sér að kenningu verða og hyggst grípa til fyrirbyggjandi aðgerða í málefnum innflytjenda. Því hefur ráðherrann ákveðið að vísa öllum Íslendingum sem stunda nám í sálfræði við Árósarháskóla burt úr landi. Frumvarp þess efnis var kynnt fyrir ríkisstjórninni síðastliðinn flöskudag og verður sennilega lagt fram á Folketinget í lok vikunnar, en þá verður þingið tileinkað hinum vinsæla ameríska sjónvarpsþætti Beðmáli í borginni.

Haft er eftir Rasmussen að framkoma Íslendinga í Noble Parken sé hreinlega óviðunandi. Þeir vaði uppi um allt og alla hér og skilji hreinlega ekki neitt í neinu þegar reynt er að mæla til þeirra á mannamáli.

Björn Vernharðsson, talsmaður íslenskra námsmanna við Árósarháskóla, þvertekur fyrir fullyrðingar ráðherrans og sakar hann og aðra Dani um rasisma. „Det er helt mærkelig, I er så racistik. Man kan slet ikke gå i bageriet til at købe brød uden at være drilled. I bor respektere mere mannesker fra de andre lander, synes jeg“, er haft eftir Birni og augljóst að honum er mikið niðri fyrir.

Hér að ofan er mynd af fundi ríkisstjórnarinnar á flöskudag sem leið. Frá vinstri: Per Stig Møller, utanríkisráðherra, Thor Pedersen, fjármálaráðherra, Anders Fogh Rasmussen, forsætisráðherra, Lene Espersen, dómsmálaráðherra, Brian Mikkelsen menningarmálaráðherra, og Bertel Haarder mennta- og kirkjumálaráðherra.

2006-02-06T23:13:00.000Z

Þessa sjálfsmynd af mér tók Emil Einarsson, sjálffræðinemi við Háskólann í Árósum. Hún er tekin á galakvöldverði til styrktar einhleypum Tilstbúum í Vestur-Árósum. Make up artist var Sigríður Ólöf Sigurðardóttir, garðyrkjufræðingur og skønhedskliniker en hárgreiðsla var í mínum eigin höndum. Þetta er sjálfsagt með þeim bestu myndum sem teknar hafa verið af mér í ham.

2006-02-06T09:36:00.000Z

Ég og idolstjarna ársins. Myndin er samsett.

2006-02-05T23:27:00.000Z

Vodka Martini, shaken not stirred!

Fósturfaðir minn hér í Árósum vakti mig klukkan hálf tólf í morgun og bauð mér að koma ásamt systkininum í göngutúr í bambagarðinn. Ætluðum við að leggja af stað rétt eftir hádegisverð. En haldið að planið hafi ekki breyst. Í stað þess að fara út að labba og brenna af mér slenið, var mér gert að sitja heima, gúffa í mig vöfflur og gefa skít í skepnurnar. Ég hef ákveðið að skrifa fósturforeldrum mínum harðort bréf og krefjast skýringa vegna þessa. Neita að gangast við þeim þangað til svar hefur borist.

Á myndinni hér fyrir ofan getið þið séð mynd af okkur feðgunum á meðan allt lék í lyndi.

Að lokum vil ég segja að það er skylduhlustun á Til hamingju Ísland, fyrir alla þá sem hafa ekki nú þegar hlustað. Textinn er ekkert minna en schnilld.

Roger that?

2006-02-04T19:52:00.000Z

Mitt framlag til stuðnings tjáningarfrelsisins.

2006-02-04T16:32:00.000Z

Jæja, nú ætla ég sem sagt að gera tilraun nr. 2 til þess að byrja að blogga að nýju hér í Árósum. Gerði tilraun um daginn með einhverja síðu á folk.is svæðinu en það var ekki alveg að gera sig. En vorönnin er sem sagt að byrja núna og ég nú þegar búinn að fara í einn tíma í pædagogisk psykologi. Skellti mér svo út að borða i gær á Ítalíu í hópi fagurra og frábærra kvenna. Var þar snætt spagetti og risarækjur. Mér leið nú bara eins og Don Alfredo.

Ég læt fylgja hérna mynd frá kvöldverðinum í gær en bendi jafnframt á að veislugestir vildu ekki koma fram opinberlega og andlitum hefur því verið breytt lítillega.

Hilsen, James Bond.

2004-04-08T12:09:00.000Z

Páskar

Þá er kominn skírdagur og maður kominn í páskafrí. Ég er ekki alveg kominn með það á hreint hvað ég muni gera í fríinu en nokkuð er ljóst. Ég mun krefja Bóas um hestarferð, taka til í íbúðinni minni og borða páskaegg. Djamm er ekki fyrirhugað um þessa páska.

Aftur á móti var ég að ákveða það ásamt Báru, vinkonu minni að halda sameiginlegt partý fyrir barnadeild og unglingadeild á BUGLI, sem gæti orðið sérlega skemmtilegt svona í ljósi þess að dagar mínir þar verða brátt taldir.

2004-04-07T23:28:00.000Z

Framkvæmdastjórinn

Það er hér með gert opinbert að starfið sem ég var ráðinn til að gegna í síðustu viku er starf framkvæmdastjóra SUS. Framkvæmdastjórn tók ákvörðun um ráðninguna á mánudag í síðustu viku og hóf ég störf á fimmtudegi. Stjórn sambandsins var tilkynnt um ráðninguna á fundi í kvöld. Ég er ákaflega ánægður með það traust sem mér var sýnt með þessari ráðningu og er ég mjög þakklátur fyrir þær móttökur sem ég hef fengið bæði frá stjórninni og starfsfólki Valhallar. Takk takk.

Ég og Pétur Árni munum gegna starfinu saman til haustsins, þó að hann muni taka sér upplestrarfrí frá störfum á því tímabili en ég verð í 100% starfi frá og með haustinu. Pétur hefur reynst mér ákaflega hjálplegur við að setja mig inn í starfið.

2004-04-05T21:14:00.000Z

Góðir hlutir að gerast á þingi

Það er greinilega rosaleg stemning á þingi þessa dagana. Það má kannski segja að sjálfstæðismenn fari þar fremstir í broddi fylkingar með frumvarpi sínu sem kveður á um að álagningaskrár verði ekki lengur birtar opinberlega. Eins og Helga Árnadóttir, gamall félagi minn úr stjórn Heimdallar, bendir á á Frelsi.is, þá eru fjármál fólks einkamál hvers og eins. Þau eru ekki eitthvað sem á að bera á torg fyrir almenning gegn vilja viðkomandi.

Frumvarp sem að Jóhanna Sigurðardóttir leggur nú fram ásamt nokkrum öðrum þingmönnum er líka mjög af hinu góða, en það felur í sér að áfengiskaupaaldur færist niður í 18. ár. Jóhanna hefur áður lagt fram frumvarp svipaðs efnis, en því miður hafa þau aldrei hlotið afgreiðslu. Mér finnst eitthvað sjoppulegt við það að maður geti keyrt bíl, gift sig, kosið og jafnvel boðið sig fram til Alþingis átján ára gamall, en maður verði að bíða í tvö ár til viðbótar til þess að fá að kaupa áfengi. Legg ég því til að þingmenn sameinist um að veita frumvarpi Jóhönnu brautargengi.

2004-04-04T23:23:00.000Z

Helgin

Ég eyddi gærdeginum með Sóldísi Freyju, bróðurdóttur minni. Við horfðum að barnatímann í sjónvarpinu, spiluðum og fórum í ísbíltúr. Svo komum við aftur heim og spiluðum veiðimann og samstæðuspil. Stelpan er rosaleg í þessum spilum. Maður á hreinlega ekkert í hana í samstæðuspilinu þótt hún sé ekki nema rétt rúmlega fjögurra ára.

Í dag fór ég svo á hestbak með Bóasi. Þetta var nokkuð magnaður reiðtúr vegna þess að við tókum upp á þeirri nýbreytni að taka tvo til reiða. Fyrir þá sem ekki vita hvað það þýðir þá er það að sitja á einum hesti og teyma annan við hliðina á sér. Hvað um það. Ég kom heim reynslunni ríkari og örmagna af þreytu. Pretty cool - ha.

2004-04-04T02:05:00.000Z

Kvikmyndahúsin ekki alltaf skemmtileg

Þar sem ég er nú gagnrýnandi á virðulegu vefriti sem að kallast Kvikmyndir.com, ákvað ég að sinna þeirri vinnu nú um helgina og skella mér í bíó. Fór í gær (föstudag) að sjá 50 first dates sem Adam Sandler lék í á móti Drew Barrymore. Sú mynd var bara alveg prýðilega vel heppnuð. Að vísu voru nokkur atriði þar sem er gengið allt of langt, en líklegast er nú alltaf hætta á slíku.

Í dag fór ég svo á Scooby Doo. Það gerði ég af neyð. Þegar maður er kvikmyndagagnrýnandi verður maður nefnilega að sjá góðar og slæmar myndir. Scooby Doo er skelfileg.

2004-04-01T12:32:00.000Z

Fimmtudagurinn 1. apríl

Ég er sem sagt byrjaður í nýju vinnunni. Fyrsti dagurinn senn á enda og allt gekk rosalega vel. Ég fékk góðar móttökur frá samstarfsfólkinu og tilfinningin er bara í sem fæstu orðum rosalega fín.

Svo stendur til að fara aftur í Kvikmyndaskóla Íslands að klippa það sem var tekið upp í gær, en ég tók viðtal við þingmann Sjálfstæðisflokksins, Birgi Ármannsson, um ný lög um erfðafjárskatt, sem tóku gildi í dag.

Og í tilefni dagsins að þá er partý heima hjá mér í kvöld.

2004-03-30T23:57:00.000Z

Skólinn senn á enda - breyttar forsendur

Á morgun stendur til að fara í kvikmyndaskólann að taka upp efni með hagnýtri fjölmiðlun. Þetta er eitt af síðustu verkefnunum se ég vinn á vorönn en skólanum lýkur um miðjan apríl. Svo stendur reyndar til að taka tvö sumarpróf en þau ættu ekki að vera mjög flókið mál.

Ég var ráðinn í nýja vinnu í gær. Ákaflega skemmtileg. En afleiðingin er sú að ég fresta námi um eitt ár. Þetta var einfaldlega of spennandi tækifæri til þess að láta það úr greipum ganga. Ég segi betur frá því seinna.

2004-03-30T00:40:00.000Z

Úrelt löggjöf

Netútgáfa Morgunblaðsins sagði frá því í gær að þrír stjórnendur Léttkaupa ehf. hafi verið dæmdir í Héraðsdómi Reykjavíkur fyrir brot á lögum um helgidagafrið eftir að hafa haldið versluninni Europris opinni á hvítasunnudag í júní á síðasta ári. Þá segir að verslunin hafi verið opin frá því klukkan ellefu um morguninn og þar til lögregla hafi skorist í leikinn klukkan 17.

Alveg eru þessi lög um helgidagafrið dæmalaus vitleysa. Hvað kemur ríkisvaldinu það við hvenær verslanir eru opnar og hvenær þær eru lokaðar. Svo er líka spurning hvort það sé ekki bjánalegt að vera að gera einni trúa hærra undir höfði en öðrum með þessum hætti. Ef þið viljið skoða fáránleikan betur þá er hann hér í öllu sínu veldi.

2004-03-28T03:30:00.000Z

Laugardagurinn 27. mars

Í dag var haldinn Stjónrmáladagur ungs fólks. Að deginum stóðu ungliðahreyfingar allra stjórnmálaflokkanna og sá ég um skipulagningu fyrir hönd SUS. Dagurinn byrjaði á kappræðum og voru þrjú umfjöllunarefni, um innflytjendur, menningarmál og vændi. Stýrði ég umræðum á síðasta fundinum. Um kvöldið var svo skákkeppni og eftir þær skiptust ungliðahreyfingarnar á gjöfum. Við gáfum framsóknarmönnum bol með mynd af Margaret Thacher, bókina Uppreisn frjálshyggjunnar og síðast en ekki síst litla geit til að minnast uppruna þeirra. Dagurinn var vel heppnaður.

Eftir að stjórnmálavafstrinu lauk skrapp ég til Óla og horfðum við á mynd sem heitir Confidence, ef ég man rétt, en hún er með Andy Carcia, Dustin Hoffman, Rachel Weiz og fleirum í aðalhlutverki. Fín mynd sem minnir mest á Oceans Eleven.

2004-03-26T00:04:00.000Z

Fundur SUS og dómsmálaráðherra

Fundurinn með Birni tókst bara með miklum ágætum. Við byrjuðum á að horfa á heimildarmynd um kosningabaráttu Bills Clinton, The War Room. Eftir það fluttu Björn Bjarnason og Friðjón R. Friðjónsson, varaformaður SUS, erindi og stýrðu umræðum. Fundurinn tók um tvo og hálfan tíma og var mætingin eftir væntingum. Reyndar var hún það góð að formaður Ungra Jafnaðarmanna lét sig ekki vanta. Þá var líka gaman að sjá Gunnar í Krossinum á staðnum.

Halla fær alveg sérstakar þakkir fyrir að leysa mig af í vinnunni svo ég kæmist á fundinn. Þúsund þakkir Halla.

2004-03-25T10:55:00.000Z

Starfið framundan

Það er farið að verða helvíti langt á milli blogga hjá manni. Ég vona bara að maður nái þessum sextíu færslum í gegn fyrir vorið, sem ég hafði einsett mér.

Það er helst að frétta að karlinn fékk í gær tölvpóst frá Grétu Ingþórs, á skrifstofu Sjálfstæðisflokksins, og bauð hún mér að taka sæti í nefnd flokksins um viðskipta- og neytendamál, sem hefur það verk fyrir höndum að fjalla um málaflokkinn fyrir næsta landsfund. Ég þáði að sjálfsögðu gott boð.

Annars er ég að fara á fund í kvöld með Birni Bjarnasyni. Það er málefnanefnd SUS sem stendur fyrir þessum fundi og er umfjöllunarefnið bandarísku forsetakosningarnar sem fram fara í haust.

2004-03-22T01:01:00.000Z

Helgin

Við á BUGLi lentum þessu árshátíðarmáli í gær. Árshátíðin fór fram í veislusalnum Ásgarði í Glæsibæ. Ég myndi segja að kvöldið hafi verið mjög vel heppnað. Dansstemmningin var mjög góð, skemmtiatriðin fín, maturinn góður en það eina sem fór úrskeiðis var þjónustan í matnum. Hún hefði getað verið margfalt betri. En allavega fór þetta rosa vel svona í heildina litið og ég myndi segja að árshátíðarnefndin (me included) ætti nú bara dálítið hrós skilið.

Sem betur fer vaknaði ég ekki í mikilli þynnku. Fór í bíó klukkan fjögur að sjá The Cat in the Hat og skrifaði gagnrýni um hana. Fór svo til mömmu og pabba í kvöldmat og auðvitað var bróðir og co. þar líka. Eftir kvöldmat fór ég svo aftur í bíó að sjá Starsky og Hutz (eða heitir hún það ekki annars?) Þá sjaldan maður fer tvisvar sinnum í bíó á sama degi.

2004-03-18T20:57:00.000Z

Fimmtudagur 18. mars

Byrjaði daginn á að fara í fjölmiðlun og íslenskt þjóðfélag. Það var mjög skemmtilegur tími. Við vorum að fjalla um tjáningarfrelsi og spurninguna um það hvort að lög um bann við ofbeldiskvikmyndum og skoðun kvikmynda væru brot á tjáningarfrelsisákvæði stjórnarskrárinnar. Það er mín skoðun að jafnvel þó að margt mætti betur fara í lögunum þá séu þau ekki brot á stjórnarskránni.

Síðar um daginn fór ég í ljósvakamiðlun þar sem við horfðum á verkefnið sem ég var að vinna hjá RÚV. Það er svolítið fyndið að ég var miklu ánægðari með verkefnið þegar ég horfði á það í tíma heldur en ég var þegar ég var að leggja lokahöndina á það um helgina. Kannski er þetta bara galdurinn, að leggja frá sér vinnunna í smá tíma og fá að anda aðeins áður en að maður fer að skoða verkefnið aftur.

2004-03-15T18:54:00.000Z

Skrapp á laugardaginn út að borða á Rauðará. Fengum rosafína nautasteik og gott meðlæti í aðalrétt en ís í eftirrétt. Eftir matinn skruppum við á sóðabúlluna Glaumbæ og svo á ball með Skítamóral á Gauknum. Þetta var ekki alveg að gera sig og þess vegna ákváðum við að ráfa fram á veginn og enduðum á Sólon. Það er greinilega orðinn vinsæll staður að nýju vegna þess að biðröðin þar var svipuð og hún gerist á góðu kvöldi á Hverfisbarnum.

í dag fór ég í tíma í ljósvakamiðlun, hvar Þorsteinn Joð, hélt fyrirlestur um gerð low budget heimildarmynda. Fór svo að safna gjöfum til að gefa á árshátíð BUGL sem er í næstu viku. Græddi heilmikið á því. Ég held að Olís og Dominos eigi heilmikinn heiður skilinn fyrir framlag sitt.

2004-03-13T16:07:00.000Z

Nóg að gera

Ég var í upplestrarprófi á RÚV rétt áðan. Ég stóð mig held ég bara ágætlega, ekkert hik og engin mismæli. Svo er bara að bíða og sjá hvernig fer. En ég hef einmitt líka verið í starfsþjálfun þarna í tvo daga og vann mjög skemmtilegt verkefni. Þó að ég hafi ákveðið að skella mér í nám í haust þá held ég að það gæti orðið mjög gaman að vinna þarna í einhvern tíma. En svo fer bara sem fer.

Í kvöld stendur til að fara út að borða með bekkjarfélögunum. Ég hef ekki hugmynd um hvar verður borðað en það er nokkuð ljóst að byrjað verður heima hjá Helga Skagfjörð. Gaman er það nú.

2004-03-11T23:26:00.000Z

Karlinn á Ríkisútvarpinu

Karlinn fór í fréttamannapróf á RÚV núna í kvöld. Þetta var langt og ítarlegt próf og tók um þrjá klukkutíma og fimmtán mínútur. Prófuð var kunnátta í íslensku, fréttaskrifum og almenn þekking. Ég hefði viljað hafa svona fimmtán mínútur til viðbótar en ég held samt að þetta sé allt í lagi. Það kemur þó allt í ljós þegar nær dregur sumri.

Á morgun fer ég svo aftur á RÚV til þess að vinna skólaverkefni á fréttastofu Sjónvarpsins. Þeir sem hafa farið segja að það sé mjög gaman og er ég því fullur eftirvæntingar. Það sem mér þykir verst er að stofnunin hefur enn ekki verið einkavædd og það mun varla gerast alveg í bráð.

2004-03-10T01:13:00.000Z

Þriðjudagurinn 9. mars

Það er dálítið erfitt að halda dagbók þegar það gerist aldrei neitt nýtt hjá manni yfir daginn. Maður þarf þá einhvern veginn að geta gert úlfalda úr mýflugu. En líkt og svo marga aðra þriðjudaga var dagurinn í dag á þessa leið:
1. Áhugaverður vinnudagur (morgunvakt).
2. Eftir vinnu fór ég svo í World Class og tók ærlega á því enda hef ég ekki farið í viku.
3. Skrapp svo heim til mömmu og pabba hvar litla frænka var stödd. Við spiluðum veiðimann og lékum okkur í feluleik. Mjög gaman.
4. Fór svo á Kofann og hitti vinnufélagana. Ég ætlaði að hafa eina risa samkomu með BUGL-urunum en einungis ég, Óli og Bára mættum. Þórunn var þarna svo auðvitað fyrir.

Þetta er svona dagurinn í hnotskurn. Auðvitað ætlaði ég svo að gera miklu meira. Ég ætlaði að læra undir tíma á fimmtudagin og ég ætlaði að hjálpa aðeins til niður í Valhöll og ég ætlaði að fara í bíó og skrifa gagnrýni fyrir Kvikmyndir.com. En maður gerir bara ekki alltaf allt sem maður ætlaði sér.

2004-03-07T23:56:00.000Z

Gömul Áramótaskaup

Ég fékk lánuð nokkur gömul Áramótaskaup um daginn og hef núna í kvöld verið að horfa á Skaupið frá 1990. Þar er mikið gert grín að síðustu vinstri stjórn. Í skaupinu er eftirminnilegt atriði úr meintri afmælisveislu Ólafs Ragnars Grímssonar, þar sem voru saman komnir Svabbi svikuli (Svavar Gestsson), Óli grís, Dabbi feiti og fleiri. Þetta er ógleymanlegt atriði og líka atriði þar sem að Steingrímur Hermannsson (Pálmi Gestsson í líki Steingríms) er í baði og konan hans er að reka hann á fund í ríkisstjórn og á alþingi. Svo er mikið gert grín að alls kyns nýaldarkukli, miðlum og stjörnuspám og slíku og svo er farið að gera grín að alþingiskosningum sem voru í vændum á árinu 1991. Ég myndi segja að þetta væri eitt minnisstæðasta Skaup sem ég hef séð að undanskildu því frá árinu 1985, þegar Skaupinu var stolið.

2004-03-07T01:48:00.000Z

Laugardagur 6. mars

Sóldís, bróðurdóttir mín, kom í heimsókn í morgun, en mamma hennar og pabbi voru bæði að vinna í dag. Við vorum hérna heima að leika okkur í tölvunni og horfa á sjónvarpið. Við skemmtum okkur konunglega, sérstaklega þegar við fundum einhverja skemmtilega Barbie síðu sem að vakti gríðarlega lukku hjá þeirri litlu.

Ég skrapp svo á hestbak með Bóasi og Önnu Kristínu seinnipartinn. Það var mjög gaman að vanda og ég held að hestarnir séu bara komnir í ágæta þjálfun.

Föstudagur 5. mars

Alveg hreint frábær dagur í dag. Ég vaknaði rétt fyrir átta og skrapp í starfskynningi á RÚV. Þar skrifaði ég fjórar fréttir sem voru lesnar upp í fréttatímum klukkan ellefu, tólf, fimm og sex. Fréttirnar fjölluðu meðal annars um væntanlega komu Pixies til Íslands, frumvarp til laga um breytingar á lögum um tekjuskatt, samning sem að svæðisstjórn Landsbjargar á höfuðborgarsvæðinu hefur gert við lögregluna og fjórða fréttin var um áhorfskönnun Gallup en þar kom fram að Spaugstofan er ennþá vinsælasti sjónvarpsþáttur landsins og að fréttir Sjónvarpsins hafa tvöfalt meira á horf en fréttir Stöðvar 2.

Eftir starfskynninguna skrapp ég á hestbak með Bóasi og fórum við í tvo reiðtúra.

2004-03-05T00:48:00.000Z

Fimmtudagur 4. mars

Þetta var langur og strangur dagur í dag. Hann byrjaði á tíma í fjölmiðlun og íslensku þjóðfélagi þar sem við ræddum um fjölmiðlarétt. Að því loknu fór ég í ljósvakamiðlun þar sem við fórum yfir verkefni sem við höfðum skilað inn. Ég held að verkefnið mitt hafi svo sem verið ágætt. Ekkert meistarastykki en svona eins og vel strokkað tilburðarsmjör, svo maður vitni nú í frægan frasa. Því næst fór ég í meðferð talaðs máls og æfðum við okkur þar að koma fram og lesa fréttir fyrir framan myndatökuvél. Það gekk skelfilega illa og held ég að mikið þyrfti að batna hjá mér ef ég ætlaði að gerast fréttalesari í sjónvarpi.

Klukkan þrjú fór ég svo í vinnuna. Þetta var dálítið erfiður dagur í dag. Sá erfiðasti í langan tíma, en það er ágætt að upplifa stöku sinnum daga sem þennan. Það er mjög gaman þegar maður nær að greiða vel úr erfiðum flækjum sem koma upp. Ég endaði daginn á því að fara á fund í fimmtudagsklúbbnum. Stoppaði þó stutt við.

Á morgun, föstudag er svo ferðinni heitið í starfsnám á Ríkisútvarpinu.

2004-03-03T01:39:00.000Z

Þriðjudagurinn 2. mars

Síðustu tveir dagar í vinnunni hafa verið ótrúlega athyglisverðir. Við fengum nýjan deildarstjóra í gær og með nýju fólki koma oft breyttar áherslur. Ég hef það einmitt sterklega á tilfinningunni að áherslur þurfi að breytast á þessum vinnustað. Ég held að maður eigi eftir að blómstra næstu daga. Annars er heilmikið að gera þarna á BUGLinu þessa dagana og það er gott. Það er aldrei heppilegt að hafa of marga rólega daga í einu.

Sá Italian Job núna undir kvöldið. Þetta er prýðileg mynd og mjög athyglisvert að fylgjast með nýkrýndum Óskarsverðlaunahafa í eldri myndum. Ég ætlaði reyndar að eyða kvöldinu í bíó en sei, sei. Ég er bara búinn að sjá allt sem að gæti talist áhugavert í kvikmyndahúsum þessa dagana. Tuff luck.

Annars langar mig að leggja smá orð í belg vegna umræðunnar um DV og myndirnar af Svanhildi Hólm og Jóhönnu Vilhjálms. Sem kunnugt er hefur Svanhildur fullyrt að myndin af þeim sé samsett og virðist hún eðlilega ekki vera sátt við þessa meðferð. Ég segi að menn eigi ekki að kaupa Dagblaðið Vísi. Það er viðbjóðslegt sorprit og menn eiga að sameinast um að sniðganga það.

2004-02-29T14:54:00.000Z

Ráðstefna og útskriftarveisla á laugardaginn

Ég skrapp á ráðstefnu í gær sem var haldin í tilefni af 100 ára afmæli hins virta sálfræðings B.F. Skinner. Margir af gömlu kennurunum mínum úr HÍ héldu erindi þarna en auk þess voru kennarar úr HR og sálfræðingar úr atvinnulífinu sem tóku þátt. Af öllu ólöstuðum þá held ég að Þorlákur Karlsson Ph.D., framkvæmdastjóri hjá IMG hafi haldið besta fyrirlesturinn en hann færði rök fyrir því hvers vegna einliðasnið væri betra rannsóknarsnið til þess að nota í tilraunum heldur en margliðasnið.

Eftir ráðstefnuna fór ég í útskriftarveislu til Hafsteins Þórs en hann hlaut lærdómstitilinn Cand Jur. í gær. Það var margt góðra gesta í veislunni og veitingarnar stórkostlegar. Sem sagt alger himnasæla.

2004-02-28T03:22:00.000Z

Föstudagurinn 27. febrúar

Prýðilegur dagur. Byrjaði hann á því að fara í tíma í hagnýtri íslensku eða textagerð eins og hann kallast einnig. Þar vorum við að æfa okkur í því að skrifa fréttir upp úr erlendum fréttaskeytum. Þetta er mjög hagnýtt verkefni fyrir nemendur í blaðamennsku og maður æfir sig aldrei of oft í þessu. Fréttaskeytið sem ég fékk í hendurnar var líka merkilegt. Það var þessi frétt um fyrrverandi ráðherrann í bresku ríkisstjórninni sem segir að Bretar hafi njósnað um Kofi Annan, aðalritara Sameinuðu þjóðanna.

Fljótlega eftir tímann fór ég svo í Valhöll en við vorum einmitt að kynna nýtt útlit á vefnum okkar, sus.is. Endilega kannið það mál. Það er svo sniðugt frá því að segja að ég sit í ritstjórn vefsins og vonast til að geta komið að einhverju gagni þar.

Annar sá ég ágæta mynd núna í kvöld. Igby goes down. Fjöldi úrvals leikara sem fer þar með stór hlutverk. Ég er þegar búinn að skrifa dóm um myndina og býst við að ritstjórinn birti hann á vefnum von bráðar.

2004-02-27T00:32:00.000Z

shit þarna fóru íslensku stafirnir

2004-02-27T00:31:00.000Z

Sm? svona stj?rnm?l ? lok vikunnar

M?r ?ykir h?n Siv Fri?leifsd?ttir vera heldur m??ursj?k kona eins og h?n l?tur ?essa dagana. M?li? er a? Gu?j?n ?lafur J?nsson, vara?ingma?ur, hefur haldi? ?v? fram opinberlega a? Siv myndi ekki ver?a r??herra eftir 15. september n?stkomandi. Hefur hann tala? um ?etta b??i ? ??ttinum ? brennidepli og ? heimas??u reykv?skra frams?knarmanna bendir hann ? a? ?r?r m?guleikar s?u ? st??unni en segir svo:?? fyrsta lagi liggur beinast vi? a? Siv Fri?leifsd?ttir h?tti sem r??herra ?ar sem r??uneyti hennar flyst til Sj?lfst??isflokksins. ?essa sko?un m?na hef ?g margoft l?ti? ? lj?s og ?treka?i hana ? fyrrgreindum sj?nvarps??tti ? g?r.? ?essi umm?li kallar Siv a? vega opinberlega a? r??herra s?ns eigin flokks. ?g sj?lfur kalla ?etta a? leggja spilin ? bor?i? full flj?tt. ?a? er ekkert t?mab?rt fyrir helstu tr?na?armenn flokksins a? r??a ?essi m?l ? ?essum n?tum svo snemma. ?a? er h?lft ?r ?anga? til a? breytingarnar ganga ? gegn. Hitt er anna? m?l a? fyrir okkur hin sem a? st?ndum ? sm? fjarl?g? og horfum ? vir?ist auglj?st a? Siv f?i a? v?kja enda einstaklega litlaus r??herra. ?st??ulaust fyrir hana a? berja hausnum vi? stein.

M?r skilst einnig a? ? Pressukv?ldi ? g?r hafi Geir H. Haarde l?st ?v? yfir a? hann g?ti alveg hugsa? s?r a? setjast ? st?l utanr?kisr??herra ef a? Dav?? ?tlar s?r ? d?msm?lar??uneyti?. Ma?ur hl?tur a? velta ?v? fyrir s?r hvers vegna ?a? ?tti a? vera a? skipta um skipst?ra ? fj?rm?lar??uneytinu ?? a? einhver v?xlun yr?i ? fors?tisr??herra, utanr?kisr??uneyti og d?ms- og kirkjum?lar??uneyti. ?? svo a? Geir hafi ? t?mum veri? nokku? mist?kur ? st?rfum s?num sem fj?rm?lar??herra, samanber fokd?r og mj?g ?sanngj?rn l?g um f??ingarolof, ?? b?st ?g vi? a? ?a? fari honum samt best a? sinna ?v? emb?tti. ?g segi Bj?rn ? utanr?kisr??uneyti? ef a? Dav?? fer ? d?msm?lin.

2004-02-24T00:18:00.000Z

Dagskrárgerðarmennirnir knáu

Haukur Örn, Siggi Hólm og Hinrik Már Ásgeirsson eru nýfarnir að vera með útvapsþátt á Útvarpi Sögu sem kallast Nei ráðherra. Þar fá þeir til sín gesti sem tengjast stjórnmálum á einhvern hátt og ræða við þá um pólitíska hugmyndafræði. Hingað til hafa þeir fengið þá Hannes Hólmstein Gissurarson og Mörð Árnason, ásamt þingkonunni Kolbrúnu Halldórsdóttur til að létta á hjarta sínu í beinni útsendingu og ég verð að segja að ég er nokkuð sáttur við niðurstöðuna. Fyrir þá sem hafa áhuga á stjórnmálum en hafa ekki haft tök á að hlusta á félaga mína get ég bent á upptökur af þáttunum sem er að finna hérna.

Það verður fróðlegt að sjá hvert drengirnir ná með þáttinn sinn. Fyrir rúmum fimm árum byrjaði Egill Helgason með þætti sína, Silfur Egils, á Skjá einum. Þættirnir urðu fljótt vinsælir enda var skortur á skynsamlegri umræðu um pólitík í íslenskum stjórnmálum og Egill náði hátindi ferils síns um tveimur árum seinna. Síðan þá hefur hallað undan fæti hjá honum og síðustu tvo vetur hafa þættirnir hans Egils verið leiðinlegir, svo ekki sé fastar að orði kveðið. Það er því ákveðið færi fyrir hugmyndaríka menn til þess færa pólitíska umræðu á hærra plan og ég held að félagar mínir gætu vel orðið réttu mennirnir í bransann.

2004-02-23T02:35:00.000Z

Sunnudagur 22. febrúar

Haldið að karlinn hafi ekki skellt sér tvisvar í bíó um helgina. Í fyrra skiptið fór ég með Óla að sjá myndina Monster. Ég hafði bara heyrt góðar sögur af myndinni og fær hún mjög góða dóma á IMDB og Eggert Páll Ólafsson á hinu virta vefriti Kvikmyndir.com gefur myndinni þrjár stjörnur. Ég var sjálfur ekkert ofboðslega hrifinn af handritinu. Það var ætlunin að sjá einhverja ærlega spennumynd en rauði þráðurinn í Monster snýst um ástarsamband tveggja kvenna. Ég verð þó að taka undir málflutning þeirra sem segja að myndin sé vel gerð og að Theron eigi skilið Óskarsverðlaun. Í seinna skiptið fór ég svo ásamt Hauki Erni á Cold Mountain með Jude Law, Nicole Kidman og Rene Zellweger. Sú mynd kom mér á óvart enda var þetta í senn spennumynd og dramamynd.

2004-02-21T01:12:00.000Z

Föstudagur 20. febrúar

Hvað er eiginlega málið með þetta kjör á kynþokkafyllstu konu landsins. Mér skilst á frétt Morgunblaðsins að Svanhildur Hólm hafi verið valin af flestum og að Birgitta Haukdal hafi endað í öðru sæti. Á eftir þeim komu víst Jóhanna Vilhjálmsdóttir, Eva Sólan, Dröfn Þórisdóttir, Linda Blöndal, Jóhanna Vigdís Arnardóttir, Ragnheiður Gröndal, Inga Lind Karlsdóttir og Eivör Pálsdóttir. Allt í lagi, látum vera að gagnrýna þessa niðurstöðu, því það sem ég er nú helst að velta fyrir mér er hvað í ósköpunum fær menn til að hringja inn í einhvern útvarpsþátt til að blaðra um það hver þeim þykir kynþokkafyllst kvenna á Íslandi.

Hvað föstudagsrapportið varðar þá hefur þetta verið tíðindalítill dagur. Skrapp í sund með Emil og Skunda og fór svo í heimsókn til mömmu og pabba. Þar var litla frænka mín stödd og lékum við okkur heilmikið saman. Við horfðum meðal annars á Palla sem var einn í heiminum og spjölluðum um Jöklaborg, leikskólann hennar. Sóldís fræddi mig heilmikið um deildina sína, Heimakot, og hlutverk borðstjóra, sem að mér skilst að sé eitt mesta virðingarembætti meðal barna á deildinni. Ég er margs vísari eftir samræðurnar. Um kvöldið horfði ég svo á Lost in Translation, sem mér fannst satt best að segja frekar döpur kvikmynd.

2004-02-18T01:09:00.000Z

Þriðjudagurinn 17. febrúar

Á þriðjudögum er aldrei skóli hjá mér og þá nota ég vanalegast tækifærið og vinn morgunvaktir. Ég fullyrði að vaktin í dag var ein sú lærdómsríkasta og þar af leiðandi ein sú skemmtilegasta sem að ég hef unnið frá því að ég byrjaði. Það er dálítið merkilegt að alltaf þegar ég mér finnst ég hafa fengið alla þá reynslu úr starfinu sem mér finnst nauðsynlegt að hafa áður en ég fer í framhaldsnám, þá gerist eitthvað sem ég hef ekki upplifað áður. Þannig finnst mér einmitt að manni eigi alltaf að líða, ekki bara í starfi heldur í lífinu almennt.

Bróðir minn, Bóas vinur minn og fleiri eru í vinahópi sem hefur hist reglulega á pub á fimmtudagskvöldum í nokkur ár. Þessi hópur dregur nafn sitt af fundartímanum því þeir kalla sig Fimmtudagsklúbbinn. Oftar en ekki hefur Bóas dregið mig á fundi þeirra. En nú hef ég og Óli verið að mæta reglulega á Kofa Tómasar frænda undanfarin þriðjudagskvöld. Ástæðan er sú að Óli hætti að vinna með mér um áramótin og síðan þá höfum við ekki haft mikil tækifæri til að hittast og hann hefur auðvitað ekki fengið nein tækifæri til að hitta aðra fyrrum samstarfsfélaga. Þess vegna erum við að hugsa um að smala öllu staffinu á Kofann á þriðjudögum með reglulegu millibili. Munum við þá hafa stofnað Þriðjudagsklúbbinn sem getur varla verið nokkur eftirbátur Fimmtudagsklúbbsins.

2004-02-17T00:46:00.000Z

Mánudagur 16. febrúar

Þetta var náttúrulega alveg hreint ótrúlega góður dagur í dag. Byrjaði á því að fara í tíma í ljósvakamiðlun. Hann var að þessu sinni haldinn í Ríkisútvarpinu, þar sem Elín Hirst og Kári Jónasson tóku á móti okkur og fræddu okkur um starfsemi fréttastofanna sem að þau stýra. Eftir fyrirlestur og spjall við þau gekk Þorfinnur, kennarinn okkar, með okkur um húsið og sýndi okkur allt það markverðasta sem þar er að sjá.

Fór síðan í hádegismat á 101 Reykjavík, hótelið sem dóttir hans Pálma heitins í Hagkaup rekur. Ég get aldrei munað hvort það er Lilja eða Ingibjörg. Við bekkjarsystkinin borðuðum þar saman og kunni ég ágætlega við það. Hef reyndar aldrei komið þangað síðan að hótelið varð til.

Annars horfði ég á stjörnuleik NBA deildarinnar í nótt og var ekki sofnaður fyrr en klukkan 5. Það setur ákveðinn strik í reikninginn hjá manni þegar maður þarf svo að vakna klukkan 10 um morguninn. En þetta fór nú samt allt vel. Leikurinn líka, því að vestrið marði fram sigur á austrinu, jafnvel þó að austrið hafi verið að spila mun skemmtilegri bolta.

2004-02-15T04:43:00.000Z

Laugardagur 14. febrúar.

Dagurinn í dag er víst tileinkaður heilögum Valentínusi og á að vera dagur elskenda. Ég vona að þeir sem trúi á hann hafi notið hans. Ég byrjaði daginn á því að taka á móti mömmu og pabba í heimsókn. Svo fór ég í WC með Óla. Við tókum nokkuð vel á. Þar sá ég Oprah þátt með öllum leikurunum í Friends þar sem þau tjáðu sig um samstarfið við hvert annað. Mjög athyglisvert viðtal fyrir þá sem að horfa reglulega á Friends.

Fljótlega eftir að ég var búinn í WC fór ég í partý til hennar Gunnhildar bekkjarsystur minnar. Það var mjög vel heppnað. Mér sýnist sem að bekkurinn sé mjög vel samsettur og samheldnin er stórkostleg. Eftir svona partý á maður aldrei að fara í bæinn. Þá fyrst deyr stemmningin. Við hugsuðum því miður ekki út í þetta og skelltum okkur á pöbbarölt. Hópurinn tvístraðist eðlilega samstundis og fór ég þá að hitta ýmsa menn. Djammaði meðal annars með Óla um stund, fór svo að hitta Sigga Hólm en endaði kvöldið á því að ég hitti Hrefnu, kærustuna hans Hafsteins og Gerði kærustuna hans Jóns Péturs og fór að tjútta með þeim á einhverju balli á Iðnó. Það endaði ögn betur en á horfði í byrjun og fór ég sæll og glaður heim um fjögurleytið.

2004-02-13T04:02:00.000Z

Fimmtudagurinn 12. febrúar

Þetta var nokkuð fínn dagur í dag. Byrjaði á því að kíkja í heimsókn í Seðlabankann í tengslum við einn kúrs sem ég er í sem heitir fjölmiðlun og íslenskt þjóðfélag. Það var mjög gaman. Við byrjuðum á því að kíkja á fólkið á gjaldeyrissviðinu og svo fórum við niður í fundarherbergið og hlýddum á fyrirlestur hjá aðstoðar seðlabankastjóra, sem ég man ekki hvað heitir ef satt skal segja.

Er svo búinn að vera að skrifa verkefni um ástand efnahagslífsins frá því að ég kom heim úr vinnunni. Þetta tók fimm tíma og ég verð að segja að það var aðeins meira en ég gerði ráð fyrir í fyrstu. En í tengslum við verkefnið þá fann ég þetta brot úr ágætri ræðu Davíðs Oddssonar, sem hann flutti á Viðskiptaþingi Verslunarráðsins.

„Ísland er nú í hópi þeirra ríkja, sem verja hæsta hlutfalli þjóðartekna til mennta – og heilbrigðismála. Þó annað megi stundum ætla af málflutningi þeirra sem tala því hærra um „fjársvelti“ og „niðurskurð“ sem framlögin eru aukin meir. Reyndar er nú svo komið að nauðsynlegt er að halda aftur af útgjaldaaukningunni í heilbrigðisgeiranum. Árið 2000 vörðum við um 51 milljarði króna til þessa málaflokks en árið 2004 er áætlað að upphæðin verði 73 milljarðar rúmir. Til eru í landinu þeir menn sem telja að 22 milljarða útgjaldaaukning sé niðurskurður!“

Margt fólk sem ég umgengst veltir því oft fyrir sér hvað ég, maðurinn sem hef nánast ekki starfað við neitt annað alla mína ævi en að hlúa að þeim sem þarfnast félagslegrar aðstoðar, sé að hugsa með því að styðja Sjálfstæðisflokkinn að málum. Þeir hinir sömu ættu að velta fyrir sér þessum tölum. Þær líta bara ágætlega út og það væri hrein fásinna að halda því fram að þær væru upplognar.

2004-02-12T02:16:00.000Z

Smá sálfræðiraus
Þessi lota mín í blogginu er tilkomin vegna þess að ég á víst að skrifa sextíu dagbókafærslur fyrir enda annarinnar vegna námskeiðisins hagnýt íslenska, sem ég er skráður í. (Þar lærði ég einmitt að heiti á námsgreinum á ekki að skrifa með stórum staf). Til þess að það gangi eitthvað hjá mér verður maður helst að hafa eitthvað að segja á hverjum degi. Það er dálítið erfitt þegar fátt er títt. Þess vegna ætla ég að þreyta lesendur mína með smá sálfræðirausi.

Burrhus Frederick Skinner á víst 100 ára afmæli í næsta mánuði. Skinner fæddist þann 20. mars árið 1904, sama ár og Hannes Hafstein varð ráðherra. Hann dó áríð 1990, sama ár og Steingrímur Hermannsson var ráðherra. Þessi orð hefur mig alltaf langað til að hafa eftir, en þau voru fyrst birt á prenti í ritgerð Sigurðar J. Grétarssonar sem að bar heitið Ertu viss. Þannig að ímyndið ykkur að ég hafi sett gæsalappir um þau, því annars er ég í vanda staddur.

En hvað um það. BF Skinner er sem sagt frægur fyrir framlag sitt til atferlismótunarfræðanna. Hann gerði greinamun á klassískri skilyrðingu, sem að Ivan Pavlov uppgötvaði og virkri skilyrðingu og eyddi Skinner dágóðum tíma í það að rannsaka virku skilyrðinguna sem byggist á law of effect.

En hvað um það. Í tilefni af aldarafmæli Skinners verður víst haldin rosa ráðstefna í lok næstu viku. Ég var beðinn í dag um að birta veggspjald með kynningu á BA verkefninu mínu á ráðstefnunni og er ég að hugsa um að verða við þeirri beiðni, enda er það nú í sjálfu sér mikill heiður að fá að gera slíkt.

2004-02-11T01:02:00.000Z

Sjómannaafsláttur

Ég hef oft séð ástæðu til þess að tjá mig um nauðsyn þess að afnema sjómannaafslátt. Sjá til dæmis þessa frétt sem ég skrifaði forðum daga. Landsfundur hefur ályktað um málið og það hlaut að koma að því að fjármálaráðherra myndi taka undir þetta sjónarmið. En allt í einu fer fíflið hann Kristinn H. Gunnarsson að tjá sig um málið og auðvitað er hann andsnúinn því að sjómannaafsláttur verði afnuminn. Í kjölfarið er málið komið í hnút og fjármálaráðherrann dregur í land. Nema hvað?

En af hverju skyldi hann vera á móti því að afnema sjómannaafslátt? Skyldi hann vera að hugsa um jafnréttið? Um hagsmuni almennings?

Að sjálfsögðu ekki. Auðvitað vakir ekki neitt fyrir Kristni H. Gunnarssyni annað en kjördæmapot, ekki frekar en Hjálmari Árnasyni. Kristinn er þingmaður Vestfirðinga og á Vestfjörðum hafa menn sjómennsku sér til framfærslu og Kiddi kommi veit að hann getur aflað sér vinsælda þar með því að berjast fyrir sérhagsmunum sjómanna. Glætan að hann væri að berjast fyrir áframhaldandi sjómannaafslætti ef að hann væri úr Árnessýslunni. Þá væri hann að berjast fyrir hagsmunum bænda eins og Guðni Ágústsson, sem, vel að merkja, er einnig framsóknarmaður.

Guði sé lof að skoðanakannanir sýni minnkandi fylgi Frammaranna.

2004-02-11T01:00:00.000Z

Þriðjudagur 10. febrúar

Þetta var nú alveg prýðilegur dagur í dag. Frí í skólanum og þess vegna var ég á morgunvakt líkt og venja hefur verið hjá mér á þriðjudögum undanfarinn mánuð. Vaktin var nokkuð annasöm hja mér og það var ágætt. Þannig líður tíminn mun hraðar.

Eftir vinnu skellti ég mér í WC (Hafi einhver ekki áttað sig á þessu ennþá þá á þetta að lesast World Class, ekki klósettið). Hvað um það. Ég tók nokkuð vel á enda var ég orðinn drulluþreyttur um kvöldmatarleytið. Eftir fréttirnar kíkti ég svo með Bóasi upp í hesthús. Taumlaus gleði þar að vanda.

2004-02-10T00:30:00.000Z

Mánudagurinn 9. febrúar

Fyrirhugað er að halda árshátíð starfsfólks Barna- og unglingageðdeildar aðra helgina í mars. Af því tilefni mætti karlinn á undirbúningsfund í vinnunni í dag. Það sem maður hafði nú reynt til þess að sleppa við þessa nefnd! En árangurslaust! Það er bara greinilega ekki of vinsælt hlutskipti að starfa þar. En eitthvað þurfti nú að gera til þess að bjarga hróðri barnadeildarinnar og ákvað ég því að vera starfandi meðlimur í nefndinni þangað til að annar betri gefur sig fram.

2004-02-10T00:21:00.000Z

Enn meira stjórnmálaraus

Nú stendur víst til að byggja nýtt fangelsi sem á að vera staðsett við Geitháls í Reykjavík. Hvers vegna skyldi sú staðsetning hafa verið valin? Eflaust eru ástæðurnar fleiri en ein, en mér dettur samt í hug að mönnum hafi þótt hagkvæmt að hafa fangelsið í Reykjavík til þess að það þyrfti ekki að borga lögfræðingum, sálfræðingum, geðlæknum, lögreglumönnum og öðru fagfólki sem oftast hefur aðsetur í Reykjavík fyrir að ferðast á milli bæjarfélaga til þess að nálgast skjólstæðinga sína.

En svo koma menn sem að þurfa alltaf að vera að tala fyrir sérhagsmunum fámenns hóps og svína á almenning. Dæmi um þetta er bjáninn hann Hjálmar Árnason sem að telur skynsamlegt að fangelsið verði staðsett í húsnæði Íslenskra Aðalverktaka við Keflavíkurflugvöll. Telur hann brýnt að fangelsið verði reist þar til þess að mætt verði yfirvofandi þrengingum í atvinnulífinu þar syðra. Hann telur jafnframt að það sé ódýrari kostur að nýta húsnæði ÍA heldur en að byggja nýtt hús.

Ég segi, djöfulsans skammsýni. Rekstrarkostnaður við fangelsið verður mun hærri ef það er staðsett utan við borgina. Aukinn óþarfa rekstrarkostnaður gerir því þessa leið Hjálmars óhagkvæma til langs tíma litið þó að hún kunni ef til vill að virðast ódýrari til skamms tíma. Einnig held ég að það sé tóm vitleysa að halda því fram að sértækar aðgerðir í atvinnumálum skili einhverjum árangri til langs tíma. Atvinnulausir Keflvíkingar verða bara að gera svo vel að flytja sig í Borgina. Og hana nú!!!

2004-02-08T23:36:00.000Z

Stjórnmálaraus á sunnudegi

Alveg merkileg frett úr borgarpólitíkinni sem birtist í kvöldfréttum Ríkissjónvarpsins núna í kvöld. Börnum í Reykjavík er að fækka vegna Þess að mannfjöldaþróunin á Íslandi er þannig að fjölskyldufólk er í auknu mæli að flytjast úr borginni og yfir í nágrannasveitarfélögin og Reykvíkingar eignast bara hreinlega færri börn en áður. Það var viðtal við borgarhagfræðing í tengslum við fréttina og það var svolítið fyndið að hann skuli halda því fram að þessi þróun hafi ekkert á gera með þjónustu borgarinnar við almenning t.d. á sviði fræðslumála.

Come on! Maður er búinn að tala um þetta frá því í baráttunni fyrir borgarstjórnarkosningarnar síðustu. Ástandinu í borginni má lýsa með tvennum hætti. Í fyrsta lagi þá hafa borgaryfirvöld verið einstaklega löt við að deiliskipuleggja íbúðarland i borginni. Þar af leiðandi hefur eftirspurn eftir íbúðahúsnæði vaxið meira en framboðið. Sökum þessa hefur verð á íbúðarlóðum hækkað með þeim afleiðingum að verð á íbúðarhúsnæði hefur hækkað. Þess vegna hefur ungt fólk bara hreinlega ekki efni á að kaupa sér íbúðir í Reykjavík og flytur þess vegna í Kópavog eða til Garðabæjar.

Í öðru lagi ríkir allt of mikil einhæfni í skólamálum í Reykjavík. Borgaryfirvöld hafa það að markmiði sínu að kæfa niður allt einkaframtak í fræðslumálum og þess vegna eru góðir barnaskólar eins og Tjarnaskóli, Ísaksskóli og Landakotsskóli að berjast í bökkum fyrir tilvist sinni. Ég held að fólk vilji hafa eitthvað val um það hvert það sendir börnin sín í skóla. Fólk vill geta valið um það hvort það þiggur þjónustu sína hjá hinu opinbera eða einkaaðilum eða hvort það sendir börnin sín í skóla sem byggir kennsluna á einhverri ákveðinni hugmyndarfræði, svo sem Waldorfshugmyndafræðinni eða Hjallastefnu Margrétar Pálu. En vegna fjandsamlegrar afstöðu Borgaryfirvalda til einkarekinna skóla hafa þeir komið málum þannig fyrir að einungis efnamiklir foreldrar geta sent börnin sín í slíka skóla. Aðrir verða að sætta sig við opinberu skólana. Þess vegna flytur barnafólk í önnur nærliggjandi bæjarfélög þar sem meira frelsi ríkir í þessum málum.

Og þar sem ég hef fundið mér eitthvað pólitísks eðlis til að rausa yfir þá ætti ég ef til vill að reyna að gera alvöru pistil úr þessu og birta á hinu virta vefriti Frelsi.is.

2004-02-08T00:23:00.000Z

Laugardagurinn 7. febrúar

Þetta var nú alveg prýðilegur dagur í dag. Hann byrjaði á því að mamma og pabbi komu í heimsókn ásamt Sóldísi, bróðurdóttur minni. Við borðuðum saman og skemmtum okkur konunglega.

Eftir hádegið fór ég svo á stjórnarfund í SUS, sem haldinn var að þessu sinni í félagsmiðstöð hafnfirskra sjálfstæðismanna í Strandgötunni. Fundurinn var stuttur en að honum loknum tók við menntamálaráðstefna SUS. Á ráðstefnunni töluðu Þorgerður Katrín, Ásdís Halla, bæjarstjóri í Garðabæ, Árni Pétur Jónsson, formaður skólanefndar Ísaksskóla og Sigríður Andersen, lögfræðingur hjá Verslunarráði og snillingur mikill. Allir framsögumenn stóðu sig með prýði en Ásdís Halla vakti náttúrulega alveg sérstaka hrifningu. Ekki síst fyrir það að hafa mætt í Thatcher bolnum sínum. Þetta var sem sagt fín ráðstefna, en fórnarkostnaðurinn var líka mikill því að ég hafði ætlað að fara með Sóldísi á bíómyndina Björn bróðir. En koma tímar og koma ráð.

Um kvöldið kíkti ég svo aðeins á hann Ragga vin minn, en hann er nýbúinn að fá afhenta íbúð sem hann keypti sér skömmu fyrir jól.

2004-02-07T03:26:00.000Z

Föstudagurinn 6. febrúar

Karlinn var loksins að fá adsl-ið til að virka í nýju tölvunni og núna er hægt að blogga af meiri reglusemi en tíðkaðist í liðinni viku.

Meðlimir í félagi heimskra sálfræðinema hittust í dag og skelltu sér í sund, en þetta höfum við gert reglulega á föstudögum frá því að við urðum samstarfsfélagar á BUGL-inu. Mikið var skeggrætt, en þó aðallega mögulegt nám okkar í Árósum, sem mun hefjast næsta haust ef Guð lofar. Ef einhver er að velta fyrir sér af hverju við köllum félagið okkar Félag heimskra sálfræðinema þá hef ég ekki hugmynd um svarið. Enginn okkar er neitt sérstaklega heimskur og einungis einn okkar stundar nám í sálfræði þessa stundina. En Bóas stakk einhvern tíman upp á þessu nafni og það hefur loðað við okkur síðan.

Á morgun er ég að hugsa um að skella mér á stjórnarfund SUS og svo á ráðstefnu um menntamál sem haldin er í Hafnarfirði. Ráðstefnan er öllum opin og hvet ég alla sem lesa þessa síðu til þess að skreppa.